Die stryd tussen jóú ‘goed’ en kwaad

“Wat sal jy saam met jou wil vat as jou huis brand?” het Foster Huntington op sy blog en later ook in sy boek The Burning House: What Would You Take? (2012) gevra. Van oraloor die wêreld het mense met foto’s geantwoord: mooi gestileerde stillewes wat wissel van sentimenteel (ou foto’s, notaboeke, kindertyd se speelgoed) tot prakties (paspoorte, skootrekenaars, selfone, selfs gewere). Hy beskryf die eindresultaat as “’n stryd tussen dít wat prakties, waardevol en sentimenteel is”.

Wat sal ék gryp? Die stinkhoutbank wat in die Anglo-Boereoorlog uit ’n voorvader se brandende opstal gered is. Die kersiehoutkas waarin Oupa sy pruimtwak, dadels en lekkergoed vir sy kleinkinders gebêre het. My oorlede sussie se Ben Macala-skildery bokant my bed. (Daai brand beter sy voete sleep!)

Soveel goed, oral. Boeke, klere, meubels, selfone . . . en nou sê die kenners hierdie besittings word ’n verlengstuk van jouself, iets waarmee jy vir