TWEE WEKE TE VOET IN JAPAN
KLOKSGEWYS OP DIÉ BLAD
’n Japannese esdoring lewer sy asembenemende herfsblaarvertoning in Nara-park in die stad Nara, in antieke tye Japan se hoofstad. Sobanoedels met tofoe, ’n heerlike tradisionele gereg wat met groentee geniet word. Die oneindige spieëlkamer in Tokio se teamLab Borderlessdigitale kunsmuseum, die eerste in sy soort ter wêreld. Hier word rooi lampe volgens ’n algoritme verlig soos jy deur die vertrek beweeg. Binnekant die antieke Todaijitempel in Nara. Dit is in die vroeë agste eeu volledig uit hout gebou.
