Julle sê ...
HIER GEE ALMAL, AL KOM DIE REËN NIE
Baie dankie vir die artikel “Die droogte verdor nie harte” (SARIE, September 2019). Ek dink nie daar is genoeg bewusmaking van wat regtig aangaan nie. Dis nie mooi nie, so ons wil dit nie sien nie.
Ek is self met ’n beesboer getroud en boer ook met skape. In 2016 het ons gebuk gegaan onder die droogte en baie vee verloor. Ons knieë was stukkend, maar die reën het vir ons gekom. Om daardie diere te sien ly gaan sit nie in ’n mens se klere nie. Om jou superpositiewe, passievolle man wat elke liewe koei ken, so moedeloos en magteloos te sien. Want watter koei, wie se genetika oor jare kom, kan vandag nie opstaan nie? Daar gebeur dinge
