1 ‘EK MOES ’N RUK LANK IN MY KAR WOON’
Samantha Leonard, wenner van die talentsoekprogram Die kontrak, sê haar pad na sukses was ’n moeilike reis. Maar sy’t nooit haar droom laat vaar nie
Samantha, jy is vir my so dierbaar. So bly vir jou; goeie dinge gebeur met goeie mense. Jy het uithouvermoë soos min, en ek kan ure lank na jou besonderse mooi stem luister. Geniet elke oomblik, dit is nou jou tyd.
LORRAINE
Jy bewys weer die ou spreekwoord waar – aanhouer wen. Welgedaan, ek is so bly vir jou, Samantha Leonard. Jy is ’n voorbeeld vir almal wat soms moeilike tye moet deurmaak om nooit op te gee nie. Hou net so aan.
NADIA
Ek is ’n enkelma met twee kinders. Ons hou net deur die Genade en omgee van ander mense ons liggaam en siel bymekaar. Ek is bly dat die geluk vir jou gedraai het, mag ander ook dieselfde beleef. Welgedaan, Samantha.
SUSAN
En ek het nog altyd van jou stem gehou, ek was hartseer toe jy uitgeval het. Maar jy het gewys jy gaan lê nie. Baie geluk en voorspoed. Waardeer die mense wat jou dra en ondersteun.