e-pos UIT Sartichala, Georgië
Wat doen julle in Georgië?
Ek en my man, Lambert, het in 2012 op uitnodiging van ’n mede-Suid-Afrikaner vir die eerste keer kom loer hoe dit hier lyk en watter moontlikhede hier is. Ons het so baie gehou van wat ons gesien het, dat ons in 2013 twee plase, 130 km van mekaar, gekoop het.
Plase in Europa is heelwat kleiner as in SA en dit was belangrik om ’n kopskuif te maak oor intensiewe boerdery op kleiner grond. In Junie 2014 het ons die een naby die hoofstad, Tbilisi, begin ontwikkel. Ons het gras, lusern en mielies geplant en spilpunte opgesit. In September 2016 het ons ons eerste sewe beeste net voor die winter gekoop om onsself met kennis te verryk oor hoe om in die geharde winterstoestande met vee te boer. En vanaf 2017 gebruik ons saad van die bonsmara-beesras vir kunsmatige
