Seuns ook soms die slagoffer Jou blondekop-dogter die boelie? O ja . . .
Uit ’n millenniër se dagboek: “In die laerskool het ’n seuntjie my boetie gereeld afgeknou. Ek was ’n jaar ouer, klein vir my ouderdom, man. Maar met ’n groot hart. Nadat hy Boet eendag weer rondgestamp het, loop ek hom pouse by en skop hom so hard ek kan op sy skeen. Waarop hy my ’n oorveeg gee sodat my tande klap. Ek het hartstogtelik begin huil. Uit verbasing meer as iets anders. Seuntjies durf mos nie aan meisies slaan nie!”
Maar dit gee jou nie die reg om ’n seun wild en wakker te klap nie. ’n Ontstellende selfoonvideo waarop ’n meisie in skoolklere ’n seun uittart en die lug blou vloek, het mense onlangs woedend op sosiale media laat reageer. Is hy bang, vra sy verskeie kere, en klap hom deur die gesig. Wanneer hy sy gesig probeer beskerm,
