Versnelling OP 40
‘Dit maak my kop skoon’
Drikus Volschenk
JOHANNESBURGSE AKTEUR EN DOSENT
Ek het my verlede jaar voorgeneem om op veertig so fiks te wees soos toe ek in matriek was. As jong seun was my eerste instink om te hardloop. Op skool was ek ’n goeie naelloper, een van die freaks wat ses keer per week gaan oefen het. Ek was ook gek na gimnastiek.”
In Oktober 2018, sewe maande voor sy veertigste verjaardag, het Drikus ’n CrossFit-oefenprogram aangepak. “CrossFit pas by my persoonlikheid – ek eet byvoorbeeld nooit net normaal nie - ek leef óf op broccoli en hoender óf op kitskos! CrossFit is ’n internasionale oefenvorm en, as jy my vra, wêreldwyd verslawend: ’n kruis tussen roei, atletiek, gimnastiek en werk met gewigte. Ek doen ’n sytak, Unloaded, wat minder op gewigte fokus maar kardiologies tawwer is. “Ek oefen vyf of ses dae per week. ’n Tipiese sessie sluit vier verskillende soorte oefeninge soos opsitte of in. Tussendeur hardloop jy 200 m. Dis regtig intens – ek het voorheen ’n paar keer per week by die gim geoefen, maar
