Elvis Blue LEEF VIR UITDAGINGS
“Toe ek Idols SA gewen het, was my verwagtinge van die musiekbedryf eintlik baie eenvoudig: Ek wou bloot ’n lewe kon maak. Ek het gedink ek was gereed vir die uitdagings en moontlike roem, maar ek was toe nie,” sê Jan Adriaan Hoogendyk, beter bekend as die gewilde en bekroonde musikant, sanger en liedjieskrywer Elvis Blue
“Ek was darem al 30 jaar oud en was miskien meer gereed as iemand wat baie jonk is. Ek het geweet ek moet volhoubaarheid skep. Om dit te kon doen, moes baie dinge in plek val.
“Ek moes die regte mense rondom my kry, die regte liedjies skryf en goeie verhoudings bou. Roem is egter ’n wonderlike én dodelike ding. Ek verwerk en hanteer dit dag vir dag – soms met meer sukses as ander kere,” mymer hy.
Almal ken die hartroerende verhaal van hoe Jan die naam Elvis gekry het – dit was die naam van ’n sterwende bewonderaartjie wat hy oorgeneem het ter ere van die outjie se dapperheid.
Die res is feite.
