Sy leef deesdae in dankbaarheid - met haarself, met ander, en ook die natuur. Dís wie sy nou is, sê Lee-Ann van Rooi onomwonde. En vandag se Lee-Ann staan sterken dapper in daai trappers van haar.
Ná byna 30 jaar in die vermaak bedryf waarin sy al telkemale haar staal as aktrise én regisseur en vervaardiger gewys het, verstaan ’n mens dat sy nou al ’n stewige lysie het van die dinge waarvolgens sy leef.
As jy jou vir ’n toffie uitgee, moet jy bereid wees om gekou te word. En sy laat nie aan háár kou nie. Jy hoef nooit te verduidelik waarom jy nee sê nie en ook geen verskonings daarvoor te maak nie, is haar uitgangspunt.
“Ek is al 29 jaar in die bedryf; dis nogal lank. Ek doen wat ek doen en ek het nie goedkeuring nodig van mense nie. En, ja, ek het nogal hardegat geword oor dinge, en ook baie fermer,“vertel dié gesoute aktrise, wat al oor die jare onder meer op ons kassies te sien was in reekse soos Sara se geheim en Die boekklub.
Die punt is: as die woorde van ’n teks nie lekker in haar mond sit nie, hou sy verby. Want vir Lee-Ann (51) gaan dit oor die nalatenskap van dít wat sy nóú doen. Want, wat baat dit ’n mens haak heeltyd vas in die verlede?
“Ek is picky wanneer dit by rolle kom. Daar waarjy jou energie instort, is uiters belangrik. Ons kan nie terugbeweeg nie; ons moet vorentoe kyk, die bedryf bou. en . Dit maak die landskappe oop van wie ons is as mense, en dat ons oukei is daarmee.”
