Superman Rocco
‘My beserings en mislukkings hou my nederig en het my geleer dat als net Genade is’
Dit sit nie in elke sport-man se broek om ’n Suid-Afrikaanse kampioen te word terwyl hy beseer is nie, maar dit is presies wat Rocco van Rooyen van Kaapstad al ’n paar keer reggekry het. Luister jy na hierdie spiesgooier se deursettingsvermoë, besef jy hoe gepas die Superman-bynaam was wat sy Survivor- spanmaats hom gegee het. En dan is hy boonop ’n vriendelike gesinsmens met ’n lieflike sin vir humor!
Jy kom uit ’n baie hegte gesin ...
Ja, my pa is oorlede toe ek sewe was. My ma, Laetitia, en my ouma Leonie Delport het my en my suster, Natascha, wat nege jaar ouer as ek is, grootgemaak. Dit was nie altyd maklik nie, veral nie finansieel nie, maar ek dink dit het ons
