ABC VAN GROEN SKOONHEID
AANPASBAAR
Wees aanpasbaar. Sommige dinge gaan aanvanklik meer moeite as jou gewone roetine verg, maar fokus op die voordele.
BIOAFBREEKBARE VERPAKKINGS EN FORMULES
“Eenvoudig gestel: produkte wat bioafbreekbaar is, word deur ’n komposteringsproses weer grond wanneer dit in die natuur gelaat word. Die komposteringsproses vind plaas wanneer die produk blootgestel word aan suurstof en bakterie en fungi die oppervlakke opvreet sodat die produkte vergaan en onherkenbaar word,” verduidelik Roelien du Plessis, lektor aan die Departement van Omgewingswetenskap aan Unisa. “Bioafbreekbare verpakking kan saam met jou tuinafval geplaas word, of op jou komposhoop gegooi word, of in klein hoeveelhede kan jy dit vir die wurms van jou wurmplaas voer,” sê Roelien. Het jy nie ’n komposhoop of plek vir ’n komposhoop nie, beveel Robyn Smith, eienaar van faithfultonature.co.za ’n bokashi-drom aan waarin jy kosafval en ’n klein hoeveelheid bioafbreekbare verpakking kan gooi. Maar gooi jy jou bioafbreekbare rommel in die gewone drom, help dit nie veel nie. “Die gereguleerde afvalterreine is veronderstel om inkomende rommel te kompakteer en met ’n laag grond te ‘begrawe’. Bioafbreekbare produkte is veronderstel om dan te kan afbreek. Maar die kompakteringsproses veroorsaak soms dat alle suurstof uitgepers word sodat die bioafbreekbare produkte as ’t ware onder die grond ‘bewaar’ word. Daar is al koerante (papier is bioafbreekbaar) op ’n afvalterrein opgegrawe wat ná baie jare nog leesbaar was. Om skoonheidsprodukte met bioafbreekbare formules te gebruik, plaas ook minder druk op ons water- en suiweringstelsels,” sê Roelien.
BIOAFBREEKBAAR
LUSH CLEANSING WIPES 7 TO 3 (R39,50) IS ’N BIOAFBREEKBARE, HERBRUIKBARE REINIGER EN GRIMEERVERWYDERINGSLAPPIE WAT JY NET IN WARM WATER AFSPOEL NADAT JY DIT GEBRUIK HET. DIE LAPPIE HOU SOWAT DRIE MAANDE. RAIN SE ECO DIVA FACE WASH (R340 ) GEBRUIK ’N HERVULBARE GLASBOTTEL PLEKS VAN PLASTIEK. ECO DIVA GEBRUIK SLEGS ORGANIESE EN NATUURLIKE BIOAFBREEKBARE BESTANDDELE. ECOFRIENDLY BIODEGRADABLE COTTON BUDS (R21,99 VIR 100 OORSTOKKIES, BESKIKBAAR BY APTEKE LANDSWYD EN AANLYN BY ). DIT BEVAT GEEN PLASTIEK NIE EN IS BIO-AFBREEKBAAR.
