ONS STRYD VIR BLY OF GLY
IS DIT vermaaklike grootskaalse moles in ’n klein huis – of hoort dit in ’n kleinhuisie? G’n twee mense sal jou waarskynlik dieselfde antwoord gee nie. Want óf jy kyk elke Woensdagaand slaafs daarna óf die drama is vir jou net te erg …
Ja, ons praat van , die werklikheidsprogram op VIA waaroor die land deesdae gons. En net ingeval jy die afgelope weke onder ’n klip gewoon het, dís hoe dit werk: 50 mense in ’n tweeslaapkamerhuisie vir drie weke – maar daar is net genoeg kos, toiletgoed en ander noodsaaklikhede vir twee mense. Elke dag kan jou huismaats jou uitstem – of jy kan enige tyd self jou goed vat en trap.
