سخُن جاگ رہا ہے: 2

By اسٹیفن نیکولس آذر

فطری حُسن اور خُوبصورتی "سُخن جاگ رہا ہے" کے شاعر اسٹیفن  نیکولس آذرؔ کی شاعری کا بنیادی تلازمہ ہے ۔ ایک حساس فنکار ہوتے ہوئے اسٹیفن نیکولس اپنے جوہر میں حُسن پرست واقعہ ہُوا ہے۔۔۔ وہ حُسن جو صرف کسی نسائی پیکر  کے خدوخال، نقش و نگار اور رنگ روپ تک محدود نہیں ہوتا۔ بلکہ وہ حُسن جو خلوص و محبت  میں ہوتا ہے۔ جو شعور کی پاکیزگی اور معصومیت میں ہوتا ہے۔ جو زندگی کے ہر خُوش کن مشغلے میں ہوتاہے اور وہ حُسن و خُوبصورتی جو کائنات کے ہر دلفریب منظر میں ہوتی ہے۔ اِس حوالے سے اسٹیفن حُسن و  جمال کو دیکھ کر صرف محظوظ ہی نہیں ہوتا بلکہ اسے  محسوس کر کے سوچتا ، بلکہ گہرا سوچتا ہے۔     حمید ہنری

• Language: Urdu
• Publisher: Faith Fiction Publishers
• Release date: Mar 14, 2024
• ISBN: 9798887229652

Book preview

جملہ حقوق بحق شاعراسٹیفن نیکولس  آذرؔ

و ناشر فیتھ فکشن۔ کینیڈا محفوظ ہیں

ISBN 979-888722965-2

March 15, 2024

––––––––

فیتھ فکشن

اونٹاریو، کینیڈا

سُخن جاگ رہا ہے

نظمیں اور قطعات

اسٹیفن نیکولس آذرؔ

مصُوّرانہ شاعری

تصویر و تحریر احساسات و جذبات کا وہ حصّہ ہیں، جو بصارت اور سماعت دونوں پر اثر انداز ہوتے ہیں ۔ ہاتھوں  میں تصویر بنانے کے لئے بُرش اور رنگوں کا ہونا یا تحریر کے لئے اُنگلیوں میں قلم کا ہونا نہایت اہمیت کا حامل ہے اور اچھی تخلیقات کا شعور انسان کو اُسی وقت ملتا ہے جب وہ زندگی کی حقیقتوں سے نہ صرف واقف ہو بلکہ اِس کا تجربہ اور مشاہدہ کافی حد تک وسیع ہو ۔

سخُن جاگ رہا ہے کے مصُور ( شاعر) اسٹیفن نیکولس کے بقول میَں نے اُردو غزل گوئی کو خُود کلامی کی تجریدی صنف کے طور پر دیکھا اور پرکھا ہے ۔ سو اُن  کے اِس جملے سے اُن کے مصوری میں ایک الگ انداز اور اُن کی خُدا داد صلاحیت کا پتہ چلتا ہے  کہ اُن کا مصّورانہ کام اُن کی پہچان ہے ۔ اِس کے ساتھ ساتھ  اپنی شاعرانہ کاوشوں کو بھی اُنہوں نے کتابی شکل دی ہے ۔ اُن کی شاعری کا تصویری رنگ دیکھئے :

خیال کا عکس خواب میں ہو

پھُول سا چہرہ کتاب میں ہو

نیا لوچ رنگِ شباب میں ہو

انار کا رس شراب میں ہو

نیند