منك ليها

By كريم مُطْلَق

لو انتي متجوزة .. مخطوبة .. داخله على جواز.. أو حتى متكلمين عليكي، تعالي اتفرجي على حبيب القلب بعد الجواز شكله ايه. لو انت زوج تمانيناتي.. سبعيناتي .. او حتى تسعيناتي.. تعالى اتفرج على نفسك وانت مطحون.. وعيش اللحظة. "منك ليها" مواقف تحدث في حياة كل زوج وزوجة..خشوا بلقب جامد وربنا يسترها معانا ومعاكوا. زوج تمنيناتي.

• Language: العربية
• Publisher: Nahdet Misr
• Release date: Jan 1, 2018
• ISBN: 9789771455745

Book preview

Zowg_80aty_1.xhtml

«يوميات زوج تمانيناتي»

كريم مُطْلَق

إشراف عام: داليا محمد إبراهيم

مُطْلَق ، كريم

مِنَّك ليها: يوميات زوج تمانيناتي /كريم مُطْلَق

الجيزة: دار نهضة مصر للنشر / 2017

176ص ، 14سم

تدمك: 9789771455745

1- القصص العربية القصيرة

أ - العنوان

جميــع الحقــوق محفـوظــة © لدار نهضة مصر للنشر

يحظـــــر طـبــــــع أو نـشـــــر أو تصــويــــر أو تخـزيــــن

أي جــزء مــن هــذا الكتــاب بأيــة وسيلــة إلكترونية أو ميكانيكية

أو بالتصويـــر أو خــلاف ذلك إلا بإذن كتابي صريــح من الناشـــر.

الترقيم الدولي: 978-977-14-5574--5

رقـــم الإيــــداع: 27527 / 2017

طبعة ينـــايـــــــر 2018

Zowg_80aty_1.xhtml

21 شارع أحمد عرابي - المهندسين - الجيزة

تليفـــون : 33466434 - 33472864 02

فاكـــــس : 33462576 02

خدمة العملاء : 16766

Website: www.nahdetmisr.com

E-mail: [e-mail]

إهــــداء

إلى كل مواليد التمانينات..

وآخر شوية في السبعينات..

وأول حبّة م التسعينات...

إلى كل زوج ربنا عالِم بحاله..

وكل عازب بيفكر يتجوز..

إلى كل زوج تمانيناتي مطحون..

وزوجة كل زوج تمانيناتي مطحون..

أُهدي هذه الطقطوقة ...

إلى زوجتي الحبيبة التي لولاها ما خرج هذا الكتاب إلى الصالة...

اقلبوا الصفحة، وربنا يسترها معانا ومعاكوا...

زوج تمانيناتي

زوج تمانيناتي

مــا بــيعرفش يــهندلها Zowg_80aty_4.xhtml

«غرفة 712 - فندق ألكساندرا - شارع فيا فينيتو – روما»

تلات خبطات وكحة خفيفة، ثم دلف صديقنا إلى الداخل ليجد أحدهم يجلس على فوتــيه فى زاوية الغرفة، لا يكاد الضوء الخافت القادم من الشرفة أن يُظهر بعضًا من ملامحه ..

* حمدًا لله ع السلامة يا رأفـت ..

= مين .. محسن بيه !!! أنا مش مصدق إننا اتــقابلنا تانى بعد السنين دى كلها، ده احنا ماتــقابلناش من أيام الجزء التانى يا محسن بيه !!!

* أوصف لى عملت ايه بالظبط عشان تــوصل هنا ؟

= أنا جيت على حسب الخطة .. ركبت طيارة لندن ونزلت مطار «هيثرو»، وبعدين ركبت طيارة روما ووصلت مطار «فيوميتـشينو» ، وخدت تـاكسى لشارع «فيا فينيتـو» ، واتمشيت لحد الفندق .. ماتــقلقش عليّا يا محسن بيه..

* النهاردة أنا قررت أقابلك عشان أديلك بنفسى الجزء الأخير من تــدريبك ، وهو إزاى تـــعرف تــهندل مراتــك مادام نـويت تـــتــجوز يا رأفـت ..

= يااااااااااااه يا محسن بيه ، ده أنا بقالى سبع سنين فى إسرائيل .. السيد نديم درّبنى على كل حاجة ما عدا الموضوع ده ..

* عشان السيد نديم نفسه مابيعرفش يهندل مراتــه، ومش هو بس .. ده كل الرجالة يا رأفت ..

= وعشان كده قررت تــقابلنى بنفسك يا محسن بيه ..

* أيــوه، وياللا نبدأ بـأه عشان نـلحق نخـلص بسرعة وأروّح قبل ما مراتى ما تاخد بالها إنى مش فى البيت ..

= أنت كمان يا محسن بيه ؟

* كلنا بناكل عيش فى البلد دى يا رأفت ، خد الورق ده احفظه كويس .. وح اسألك فيه بعد نص ساعة بالظبط ...

بعد نص ساعة

* ها .. جاهز يا رأفت ؟

= جاهز يا محسن بيه ..

* لو مراتــك قالت لك خرّجنى ، وإنها ممكن تــجهز فى خلال نص ساعة؟

= يبقى الميعاد الحقيقى بعد ساعتــين .. ألحق ألبس وأنزل أقضى كام مشوار وأقعد ع القهوة ألعب عشرتــين طاولة وأشرب كوباية شاى من غير سكر عقبال ما هى تــجهز ، وبمجرد ما نخرج أقول لها تــعبت وأتــحجج بأى حجة عشان نرجع بسرعة ، وبكده تــبقى اتــحسبت خروجة وفى نفس الوقت تــبطل تــقول لى خرّجنى تــانى ..

* لو قالت لك «ياللا نسافر» ؟

= أظهر حماسى الشديد للفكرة ، وأحاول أأجل الموضوع عشان ظروف الشغل ماتسمحش آخد أجازة ولو يوم واحد ، وأوعدها إنّى ح اخدها ونسافر فى أقرب فرصة من غير ما التزم بميعاد محدد ..

* طيب لو قالت لك «ما أنت لو كنت مهتم كنت عرفت لوحدك .. لوحدك» ؟

= أنت بتزعق ليه يا محسن بيه .. ساعتها ح آخد نَفَس عميق بسرعة، وأقول لها «أنا مهتم بكل حاجة فيكى يا حبيبتى .. وملاحظ إنك خسيتى شوية عن امبارح» ، على طول ح تــنـسى أى حاجة وتــقوللى وهى فرحانة «بجد ؟»، أقول لها «طبعًا بجد .. وباين عليكى جدًا» ، وبعدها استــغفر ربنا ع الكدبة الكبيرة دى ..

* ولو سألتــك السؤال الشهير بتــاع «أعمل لكوا ايه بكرة ع الغدا» ؟

= على طول أقول لها «ماتــتــعبيش نفسك يا حبيبتــى نبقى نطلب دليفرى، أو كُل حاجة من إيدك تــبقى حلوة يا حبيبتــى» ، وبكده أبقى رميت الكورة فى ملعبها ..

* ولو قالت لك «خد الزبالة معاك وأنت نازل»؟

= للأسف الجملة دى مالهاش هندلة يا محسن بيه .. لازم آخد الزبالة وأنا نازل ، وأجيب فينو كمان وأنا طالع حتــى لو هى ماطلبتــش كده بشكل صريح ..

* طيب لو فى يوم خرجت تــقابل صحابك أو تــلعب كورة معاهم؟

= وأنا راجع لازم أجيب معايا شيكولاتــاية كبيرة من النوع الغالى، وأديهالها أول ما أرجع عشان أغلوش ع الموضوع ، قبل ما تــبدأ خناقة تــبوظلى حلاوة اليوم ..

* ولو عملت أى مغامرة من وراها ؟

= على طول أجيب لها بوكيه ورد أو حتــى وردة مع كارت وأكتــب عليه أى كلمة رومانسية ..

* لو قالت لك «أنا زهقانة جدًا» ؟

= ح أقول لها ليكى عندى خروجة حلوة الويك