75 Pahina Ng Aking Kabataan

By Vichell Gudes

Ang librong ito ay pumapaloob sa aking naging buhay kabataan. Tungkol sa buhay ng aking mga nakasalamuha at napanood, imahinasyon, pangarap, pag-aaral, pag-ibig sa iba’t ibang aspeto, at maging sa aking personal na buhay. Nais ko lamang na ibahagi ang mga tinta ng aking panulat maging ang pagbabago ng anyo nito sa mga kapwa ko kabataan. Batid ko na wala pa akong nararating, ngunit sa bawat paghakbang ko ako’y natututo. Dahil kung di ako matututo at di magbabago mananatili akong ligaw, mahina at walang alam. Para sa mga kabataang pinapatakbo ng galit o sama ng loob, huwag ninyong isipin na walang nagmamahal o nakakaintindi sa inyo, na nag-iisa lang kayo sa mundo. Sabi nga sa Mangangaral 3:15(PBS), “Lahat ng nangyayari ngayon ay nangyari na noong una, gayon din ang magaganap pa. Paulit-ulit lamang ang mga pangyayari”. May dahilan ang lahat kung bakit natin nararanasan ang mga ito. May plano sa atin ang Diyos, nais Niya lamang tayong matuto at makinig sa Kanya. Dahil ang mga nangyayari ngayon ay bahagi ng paghahanda sa napakaganda Niyang plano sa atin. Ito ay natapos isulat noong Enero 26, 2003.

• Language: Tagalog
• Publisher: Vichell Gudes
• Release date: Nov 19, 2020
• ISBN: 9781005924010

Vichell Gudes

Vichell is happily married for 9 years to a lead guitarist/ composer of a Papuri song. They have a 3-year-old son. She used to work in the corporate world as a programmer but decided to devote her time to be a full-time mom 3 years ago. And since then, God has been pruning her to be the kind of mom He intended her to be. She attended online schools such as Montessori homeschool by Aubrey Hargis and Virtual Assistance by FHMOMS.

Book preview

Paunang Salita

Ang librong ito ay pumapaloob sa aking naging buhay kabataan. Tungkol sa buhay ng aking mga nakasalamuha at napanood, imahinasyon, pangarap, pag-aaral, pag-ibig sa ibat- ibang aspeto, at maging sa aking personal na buhay.

Nais ko lamang na ibahagi ang mga tinta ng aking panulat maging ang pagbabago ng anyo nito sa mga kapwa ko kabataan. Batid ko na wala pa akong nararating, ngunit sa bawat paghakbang ko ako’y natututo. Dahil kung di ako matututo at di magbabago mananatili akong ligaw, mahina at walang alam.

Para sa mga kabataang pinatatakbo ng galit o sama ng loob, huwag ninyong isipin na walang nagmamahal o nakakaintindi sa inyo, na nag-iisa lang kayo sa mundo. Sabi nga sa Mangangaral 3:15(PBS), Lahat ng nangyayari ngayon ay nangyari na noong una, gayon din ang magaganap pa. Paulit-ulit lamang ang mga pangyayari. May dahilan ang lahat kung bakit natin nararanasan ang mga ito. May plano sa atin ang Diyos, nais Niya lamang tayong matuto at makinig sa Kanya. Dahil ang mga nangyayari ngayon ay bahagi ng paghahanda sa napakaganda Niyang plano sa atin.

Pasasalamat

Nais kong magpasalamat sa pinakamakangyarihang Diyos. Ang Siyang tumulong at nagbigay sa akin ng inspirasyon upang maging isang mag-aaral na makata at magawang ilathala ang isang librong gaya nito at ibahagi sa mga kabataang tulad ko. Siya rin ang nagbigay sa akin ng lakas at talino upang makagawa ng mga tula na gaya nito. Lubos akong nagpapasalamat sa Kanya kung paano Niya binago ang buhay ko.

Nais ko ring magpasalamat sa aking mga magulang at mga kapatid, isa sila sa naging patungkol ng ilan sa aking mga tula. Sa mga sumuporta na nagbibigay sa akin ng lakas ng loob. Sa mga nagmulat sa aking mga mata sa tunay na mukha ng mundo. Malaki talaga ang naitulong sa akin ng mga iyon, kahit pa nung una’y pinangunahan ako ng galit, ngunit dahil doon ay lumawak ang aking kaalaman at karanasan