Խոկանց Շտեմարան: Շտեմարան

By Elina Mir

Elina Mir is an Armenian-American writer who has published two books. This is her third book, which reflects the good and the bad, growing and hidden aspects of our society, and her comments on the standards and qualities that are accepted in us that distort the image of human beings. In small volumes, her prose-poems contain boundless pain and hope. 
Elina Mir has lived with her family in California since 2001. She does not stop writing because she notices everything and regrets that the defects of the human soul do not recognize a nation or borders. 
Elina Mir is a member of Armenian Artists Assosianion of America and Armenian Writers Association of the USA.
Elina is also abstract artist. Book cover is her acrylic painting Parallel Worlds.

• Language: Հայերեն լեզու
• Publisher: Elina Mir
• Release date: Jul 30, 2020
• ISBN: 9788835870272

Book preview

Էլինա Միր

Խոկանց

Շտեմարան

UUID: 4fa9c75e-e5e1-415e-ac4c-12401665d281

This ebook was created with StreetLib Write

http://write.streetlib.com

Table of contents

ԽՈՀԵԶԻԱ

ԵՐԿԽՈՍՈՒԹՅՈՒՆ

ԱԳԱՀՈՒԹՅՈՒՆ

ՀԱՅՐԵՆԱՍԻՐՈՒԹՅՈՒՆ

ԱԶՆՎՈԻԹՅՈԻՆ

ՀԱՄԲԵՐՈՒԹՅՈՒՆ

ՀՈՌԵՏԵՍՈՒԹՅՈՒՆ

ՏԳԻՏՈԻԹՅՈԻՆ

ԱՆԿԱԽՈՒԹՅՈՒՆ

ԸՆՏՐՈՒԹՅՈՒՆՆԵՐ

ՕԳՆՈԻԹՅՈԻՆ

ՀԱՍԱՐԱԿՈՒԹՅՈՒՆ

ԿՈՒՍԱԿՑՈՒԹՅՈՒՆ

ԱՆՔՆՈԻԹՅՈԻՆ

ԻՇԽԱՆՈՒԹՅՈՒՆ

ՍԵՓԱԿԱՆԱՇՆՈՐՀՈԻՄ

ԱՍՈԻԼԻՍ

ԱԴԱՋԻՈ

ՎԵՐԱԴԱՐՁ

ՀՈՐՍ ԱՇԽԱՐՀԸ

ԱՐԴԱՐՈՒԹՅՈՒՆ

ՄԻ՛ ՀԱՊԱՂԻՐ

ՍՏԵՂԾԱԳՈՐԾՈՂԸ

ՎԻՐՏՈՒԱԼ ԱՇԽԱՐՀ

ԱՐԺԵՔՆԵՐ

ՕՏԱՐՈՒԹՅՈՒՆ

ԱՆՄԵՂՈՒԹՅԱՆ ԿԱՆԽԱՎԱՐԿԱ՞Ծ

ԳԾԱՆԿԱՐԸ

ՍԵՐԻԱԼԱՅԻՆ

ՃԻ՞ՇՏԸ, ԹԵ՞ ԲԱՐԻՆ

ԹՈՂԵ՛ Ք ՄԵՆՔ ԱՊՐԵՆՔ

ՔՍԱՆ-ՔՍԱՆ

Եթե ես...

Քնարիկին

ՍԻՐՈ՞ՒՄ ԵՄ, ԹԵ՞ ՈՉ

ԽՈՀԵԶԻԱ

Նվիրում եմ ծնողներիս

Ռոզա Փոթիկյանի և Միրիջան Միրիջանյանի

անմար հիշատակին

ԵՐԵՎԱՆ – ԼՈՍ ԱՆՋԵԼԵՍ

2020

ԵՐԿԽՈՍՈՒԹՅՈՒՆ

- Կյանքի խորհուրդը

չարի ու բարու պայքարի մեջ է։

Եվ ամեն վայրկյան փորձում ենք

գտնել մի խորախորհուրդ, իրո՛ք հասկանալ`

որտեղի՞ց եկանք և ո՞ւր ենք գնում:

- Դու սխալվում ես, կյանքը վայելք է:

Ստացի՛ր որքան տեղավորվում է,

վերցրու ավելին, ժամանակն է քիչ:

- Չէ, ի՞նչ ես ասում,

պետք է տալ կյանքին,

որ քեզնով էլ նա մի քիչ վեհանա

ու մաքրագործվի:

- Անմիտ բարբաջանք,

աշխարհը սուտ է,

աղտոտ եկել է, աղտոտ կգնա:

Եթե ճար ունես` քո դարդը հոգա:

Աշխարհի բախտը մեր ձեռքերում չէ:

Կյանքը կռիվ է մի կտոր հացի,

գոյության համար:

- Կյանքի իմաստը արարման մեջ է:

Նոր կյանք պարգևել, մի նոր խոսք ասել,

թեկուզ աննշմար ոտնահետք թողնել

այն արահետին, որ կյանքն է բացել

ինձ ու քեզ համար, այս հողագնդի

մարդկության համար:

- Մարդկությո՜ւն, իմա՜ստ,

չնչին ոտնահե՜տք... Քո ինչի՞ն են պետք:

Քեզնով չի սկսվել ու չի վերջանա:

Եթե լկտի սուտն ու ագահությունը

ոգին են դարի, մի՞թե քո չնչին

մաքրակեցությամբ կարող ես շտկել

հոգիները զեխ, սովորեցնել մարդկանց

սիրել ու հարգել:

- Բարին է ունակ աշխարհը փրկել,

պարկեշտությունը շատ հզոր զենք է:

Առաքինության ու ազնվության

պատվար կսարքեմ, որ ապաշխարեն

հոգիները մեր ու մաքրագործեն

աշխարհը ստից:

- Աստված է վկա, դու ցնորվել ես:

Աշխարհը փրկե՞լ, ա՜յ քեզ զառանցանք,

երբ մարդկությունն է հոգեվարքի մեջ,

մեղքով է ծծված հողագունդը մեր.

սպանդարամետ է դարձել երկինքը:

Դրամապաշտներով շրջապատված ենք

և անձկությունով երկիրն է պատվել,

մի՞թե կարող ես ինչ-որ բան փոխել:

- Միշտ անհատներն են անիվը պտտել,

մեր պատմությունը նրանք են գրել:

Եթե կարող ես` մի բուռ ջուր լցրու

առաջընթացի ջրաղացի մեջ,

եթե չես կարող` զուր մի՛ կասեցրու

պտույտը նրա:

Այդպես եկել է, այդպես կգնա:

- Ճոխության ու առատության մեջ

կյանքդ էլ թվում է մի չքնաղ պարգև:

Մի կյանք ունենաս ու այն էլ վատնես

անվերծանելի ու ահասարսուռ

առեղծվածների որոնումներո՞ւմ:

Չզգաս դու համը անուշաբույր

ու ախորժահամ հյութեղ վայելքի,

որին ձգտում են հասնել բոլորը,

իսկ ով չի հասնում` անհաջողակ է:

- Եթե քեզ լսենք, կյանքի անիվը

շուտով կկանգնի:

Իսկ ո՞վ է ասել, թե նպատակը

համեղ պատառն է:

Կյանքի հինվածքը հայտնությունն է

ու առեղծվածը:

Ով չի ստեղծել իր կյանքում ոչինչ,

նա չի հասկանա իմաստը խոսքիս:

Վայելքների մեջ մարում է հոգիդ,

ցոփության ծովում խեղդվում է անձդ,

դառնում ես պարարտ, անմիտ արարած,

որ հաճույքից զատ չի զգում ոչինչ:

Սակայն վեհ հոգին թրծվում է միայն

տառապանքներում ու տանջանքներում:

- Ա՞յդ է ընտրածդ, ուրեմն, առա՛ջ,

դեպի տանջանքը և տառապանքը:

Իսկ ես կգնամ ըմբոշխնելու պահը

փարթամ վայելքի,

հաճույքի գրկում վերագտնեմ ինձ

ու անէանամ:

Սահելով կանցնեմ իմ կյանքի ճամփան:

Իսկ դու մխրճի՛ր ոտնահետքերդ

կյանքի մարմնի մեջ ու կյանքդ մաշի՛ր

չարի ու բարու անիմաստ կռվում:

- Դա՛ է խաչը իմ և չե՛մ դժգոհում:

Էժանագին է ընտրածդ ուղին,

իսկ գոյությունդ խղճուկ է, ունայն:

Անմիտ ապրելը համրահոս մահ է,

առանց պայքարի կյանքդ անսահման

երկար մի քուն է, սին գոյատևում,

որ ոչ մի դարում չի արդարացվում:

Կյանքը պարտեզ չէ, իսկ մենք` թիթեռնիկ,

գոյը դժգույն է առանց