Vanjaar vier ons 30 jaar van demokrasie en as ‘n land spog ons met van die beste grondwette ter wêreld, een waarin almal se menseregte beskerm word. Maar in sommige werkplekke is dit veral jou reg tot waardigheid en om nie teen gediskrimineer te word nie, waarop daar inbraak gemaak word.
Vra maar vir Anne Jordaan* (29) van die Oos-Kaap wat verlede jaar nog by haar voormalige baas moes hoor: “Wil jy hier werk? Het jy die werk nodig? Dis hoekom ek nie saam met ‘h**nots’ kan werk nie!”