SY ONTHOU die presiese oomblik toe haar selfoon daardie oggend gelui het: Dit was veertien minute oor sewe.
Estelle Labuschagne en haar man het geen planne gehad vir daardie Maandag in Maart 2022 nie. Dit was ’n vakansiedag, Menseregtedag.
Maar toe lui Estelle se foon op haar bedkassie, en die stem van haar dogter se kêrel klink op: “Ma, Nadia is dood.”
Al wat Estelle kon uitkry, was: “Wat? Hoe?”
Toe sê Jaco Steyl haar oudste dogter het haar eie lewe geneem.
En hy beëindig die gesprek.
“Wat nou?” vra Estelle haar man, Johan. “Maak reg, ons moet ry,” sê hy.
Eers bel Estelle hul ander dogter, Lezanne, ’n onderwyseres op Carletonville. Toe haas sy haar na hul tuinwoonstel, waar haar ma, Edie Jacobs, bly.
“Mamma, Nadia is dood. Ons weet nog nie hoe