’DIT het alles begin by daardie holster daar in die hoek. Sien jy hom?
Ek het in ’n stadium baie kompetisie geskiet. Ons het cowboy action gedoen en ek het met ’n cowboy-rewolwer geskiet, maar die probleem was, ek het nie ’n holster vir hom gehad nie.
Ek het oral op die internet rondgekrap. Dit was in 2004 – in daardie tyd was daar nog nie eens YouTube nie.
Al opsie, het ek gedink, was om my eie een te maak. Ek het gaan kyk na hoe ander holsters lyk, patrone daarvoor geteken en toe self een uit leer gemaak.
Dis waar my liefde vir leer ontstaan het. Daar is iets aan die reuk en die