PALOEKA en Palawa is in die Babbelboomhuis. “Ek wonder waar draai Bibi,” sê Palawa die kameelperd. Sy kyk na die horlosie teen die muur.
“Hoe laat het jy vir haar gesê moet sy ons hier kry?” vra Paloeka die leeu.
“Ek het gesê sy moet agtuur hier wees,” sê Palawa.
“En hoe laat is dit nou?” vra Paloeka.
Palawa kyk weer na die groot horlosie. “Op die kop agtuur,” sê sy.
“Dalk moet ons haar bel en hoor waar sy is. Netnou is iets fout. Sy is nooit laat nie,” sê