Die afgelope ses jaar het AA Badenhorst Family Wines in die Swartland – onder meer bekend om die geliefde Secateurs-handelsmerk waarvan Adi Badenhorst nou sowat 25 000 kiste wyn maak – se wingerd van bykans 40 hektaar tot sowat 162 hektaar uitgebrei. Nuwe plase en gehuurde wingerd in die omgewing het bygekom om te kon voorsien in die groeiende vraag na hul gesogte wyn.
“Ou wingerde is vir ons baie belangrik, want dit is reeds goed gevestig wat die geografie betref, en die stok is gewoonlik mooi in balans. Ons Grenache, wat Jan Rossouw in 1952 geplant het en nou 72 jaar oud is, is die oudste Grenache in Suid-Afrika,” vertel Hannes Coetzee, Adi se swaer en plaasbestuurder van die boerdery.
“Ons het die afgelope jare behoorlike wingerdsensusse gedoen en begin agterkom die hoeveelheid wingerdstokke wat die kaart aandui en wat ons fisiek kan tel, maak nie sin nie. Daar was ’n teenstrydigheid van tot 40% in sommige blokke weens stokke wat deur die jare gevrek of seergekry het.”
Gevolglik het hul gemiddelde opbrengs per hektaar nie waffers gelyk nie, want in werklikheid was daar minder wingerd as wat hulle gedink het.
“Sowat 30% tot 40% van die blokke was nie winsgewend nie. Op ons Jakkalsfontein-plaas toon die Sawis-kaart (Suid-Afrikaanse wyninligtingsdiens) ons het net meer
