HAAR skraal lyfie verdwyn in die groot hospitaalbed.
Nicola Bornman lyk baie jonger as haar 19 jaar en weeg net 34 kg. Maar die oë wat in haar gesig vonkel, wys haar wil om te lewe is sterker as die dinge wat haar jong liggaam laat kwyn.
“Dit gaan goed met my,” sê Nicola en glimlag. “Ek het eergister goeie nuus gekry. Die dokter dink hulle sal my volgende week kan opereer.
“Dan nog 10 dae in die hospitaal, en dan kan ek huis toe gaan.”
Dis gróót nuus, want Nicola is al agt maande lank in die hospitaal. Die klank van teetrollies wat verbyklater, verpleegsters se voetstappe en gekreun van ander pasiënte, is geluide waaraan Nicola al gewoond geraak het.
Elke dag lyk dieselfde. Sy
