Jurie Muller het nog altyd ’n liefde vir branderplankry gehad. Tesame met sy voorliefde vir handwerk het hy begin om sy eie branderplanke te maak, “want dan het jy meer beheer oor die proses en ek kan my branderplankryery verbeter”.
Jurie maak handgemaakte branderplanke onder die Gonzo-handelsmerk.
Hy is ’n -branderplankryer en omdat die groot golwe maklik borde breek, kan hy geld bespaar deurdat hy die borde teen ’n laer prys kan maak.
