‘DIE ABSOLUTE VOORREG OM ’N OUER TE WEES SLAAN MY ASEM WEG’
OM ’N AKTEUR te wees, klink vir baie mense na die lekkerste lewe moontlik. Jy is dan beroemd, sien jou eie gesig pal op tydskrifvoorblaaie en word wyd en syd deur vreemdelinge bewonder.
Wat mense nie aldag besef nie, is dat dit ook ’n loopbaan is met min standvastigheid, waar jy gereeld wonder waar jou volgende werk en salarisstrokie vandaan sal kom. Selfs een van Suid-Afrika se bekendste akteurspare het ’n rukkie gevat om gewoond te raak aan hul dogter se keuse om in hul voetspore te volg.
“Ek het haar tog probeer laat sien dat daar ander opsies is, want sy het so in die kunste grootgeword, agter die verhoog, op stel, dat sy net moet weet daar is ’n