NUWE REKORD!
Ver-in-die-wêreld fynbos
Die wêreld is gaande oor Suid-Afrika se unieke fynbos: Net in Oktober 2023 is meer as 1000t – dit is 1 miljoen kilogram – van dié endemiese blomme uitgevoer.
“Dit is die meeste fynbos wat Suid-Afrika nóg in een maand uitgevoer het,” sê Karien Bezuidenhout, hoofbestuurder van Cape Flora SA. “Dit sluit in proteas, speldekussings, tolbosse en verskeie soorte loof, maar nie rose en ander tradisionele snyblomme nie.”
Cape Flora se blomme word uitgevoer as los stele en ruikers wat deur die Beheerraad op Bederfbare Uitvoerprodukte (PPECB) geïnspekteer word – hulle teken ook aan presies hoeveel blomme uitgevoer word. Cape Flora word hoofsaaklik uitgevoer na die Europese Unie, maar daar gaan ook blomme na Amerika, die Verre-Ooste en Midde-Ooste. “Daar is ongeveer 1000ha aangeplante Cape Flora en ons oes volhoubaar op ongeveer 200000ha veld in die Wes-Kaap,” sê Karien. “Die bedryf speel