Wieeeeee... hoor jy vaagweg doer bo die blaredak. As jy jou oë skrefies trek, sien jy ’n fyn lyn wat van die oostelike krans na die westelike krans van die kloof strek. ’n Piepklein figuur bengel aan dié lyn – dis die ouens van Knysna Ziplines wat vroegoggend die glykabels nagaan.
Jy kyk dankbaar af na jou tekkies wat geanker staan op die sagte grond van die woudvloer. Maar dié paadjie hou ook heelwat avontuur in!
Die Kranshoek-dagroete is vir diegene wat die ikoniese vyf dae lange Otter wil stap, maar sukkel