IND IE NUUS
Sy was 18 en in graad 11 toe sy swanger raak. En toe haar 21-jarige kêrel dié nuus hoor, het hy haar netso gelos, vertel Lizzy Moses* (nou 21) van Sebokeng buite Vanderbijlpark.
Sy was op moedverloor se vlakte en het dit “'n paar keer” oorweeg om haar eie lewe te neem, want sy was alleen, uitgesluit uit vriendekringe, en haar ouers was afwesig.
“My ma was meestal by haar kêrel en ek het nooit geweet waar hulle is nie. My pa het ons gelos toe ek baie klein was. Toe ek uitvind ek is swanger, was ek baie bang, want ek was op skool en wou matriek klaarmaak,” vertel Lizzy.
“Ek was ook bang vir wat my vriende en onnies sou sê. Ek het uitgehou vir so lank as wat ek kon
