SWANGER TIENER ‘Dit was die alleenste tyd’
‘Ek was net klaar met skool en het saam met my vriend gebly omdat ek nêrens gehad het om heen te gaan nie. Ek was lank sonder werk, ons verhouding het deur ’n moeilike tyd gegaan en daar raak ek swanger. Ek was so geskok, want ek het toe pas ’n werk gekry, was ongetroud . . . En sê nou maar hy los my, waarnatoe gaan ek? Ek was ook bang ek is nie ’n goeie ma nie. Netnou is ek soos my ma, wat nie veel moeite met ons gedoen het nie. Die kinderhuis moes haar altyd kontak om te hoor of ons vakansies by háár kon gaan bly. Nooit het sy of my pa oor ons navraag gedoen nie en dit het gevoel of hulle ons sommer weggegooi het. Ek wou nie my kind se lewe verwoes nie.
My vriend se familie het vir ons ’n afspraak vir ’n aborsie gemaak. Ek was baie
