As ouer is dit jou hartswens om jou kinders gelukkig te sien grootword en floreer in alle aspekte van hul lewe. Wanneer hulle egter met spesiale behoeftes gebore word, of dit later ontwikkel, kan die pad vorentoe soos ‘n berg voor jou lê.
Ouers van kinders op die outismespektrum kan getuig hiervan. Dinge kan veral lol as hul kinders kleuterskool toe moet gaan, skoolgaande ouderdom bereik, of aansoek moet doen vir hoërskole.
Mimi Hewett, ‘n geregistreerde berader van die Kaap, sê ouers van kinders op die outisme-spektrum ervaar hoër stresvlakke en is meer geneig tot angstigheid en depressie weens die talle uitdagings in terme van kommunikasie met hul kinders, en dié wat skolering meebring.
“Die ouers van kinders met outisme voel dikwels gespanne, depressief, oorweldig, onseker, skaam en skuldig. Hulle voel ook magteloos om hul kinders te help,” verduidelik Mimi.
Conlynn Claasen (35) van Wellington in
