DIS Kersdag. Die Britse koningsfamilie stap na die kerk op Sandringham – ’n bederf vir hul aanhangers wat langs die pad saamdrom, hul selfone gereed om foto’s en video’s van die bloubloede vas te lê.
Onder die familielede is prins Andrew. ’n Mens sou dink hy sal ’n lae profiel handhaaf, gegewe sy smerige verlede. Maar nee, Andrew is vandag lus om moeilikheid te maak.
Hy loop na lede van die publiek.
“Dit is vir my fassinerend,” sê hy. “Hoekom is julle kameras aan? Hoekom doen mense dit?”
“Want dis lieflik,” antwoord een vrou. “Lieflike oomblikke.”
“Ons is nie die pers nie,” laat hoor ’n