PRIVAATSKOOL-MIELIES
GENOEG VIR 6-8 MENSE / BEREIDING EN GAARMAAK: 30 MIN.
◗ 12 geelmielies aan die stronk
◗ 30 ml olyfolie
◗ 1 ui, fyngekap
◗ 2 knoffelhuisies, fyngekap
◗ 10 ml komyn
◗ 250 g-pakkie spekblokkies
◗ 350 ml room
◗ sout en vars gemaalde swartpeper
◗ 50 g parmesaan, gerasper
Bring ’n kastrol met water tot kookpunt en kook die mielies 10-12 min. of tot die pitte sag en gaar is. Laat effens afkoel en sny die pitte los van die stronk. Verhit die oond tot 180 °C. Verhit ’n middelslagkastrol oor hoë hitte tot warm en voeg die olie, ui, knoffel, komyn en spek by. Braai 2-3 min. of tot die spek goudbruin en bros braai. Voeg die room by en meng deur. Geur met die sout en peper. Plaas die mieliepitte in ’n oondvaste bak en giet die roomsous oor. Sprinkel die parmesaan oor en bak 10-12 min. of tot goudbruin
