PERFEKTE PEUSELHAPPIES
BORSJT
GENOEG VIR 6-8 MENSE
BEREIDING: 20 MIN.
GAARMAAK: 40 MIN.
LAAT STAAN: 4 UUR OF OORNAG
◗ olyfolie vir braai
◗ 2 uie, geskil en gekap
◗ 3 preie, gewas en gekap
◗ 3 wortels, geskil en gekap
◗ 6 knoffelhuisies, geskil en fyngedruk
◗ 200 g repiespek, gekap
◗ 1 kg beet, geskil en in blokkies gesny
◗ 2 L (8 k) bereide hoender-aftreksel
◗ 250 ml (1 k) suurroom of crème fraîche
◗ sout en peper na smaak dungesnyde rooikool en pienk radyse vir voorsit
1 Verhit ’n bietjie olyfolie in ’n groot kastrol en braai die uie, preie, wortels, knoffel, spek en beet oor matige hitte tot goed bruin.
2 Voeg die aftreksel by en laat kook tot al die groente sag is (sowat 30 min.).
3 Voeg die suurroom of crème fraîche by en geur na smaak. Klits tot glad en laat afkoel. Laat 4 uur of oornag verkoel.
4 Sit die sop saam met die rooikool en radyse voor. Garneer soos verkies.
WENKE
● Om groen borsjt te maak, vervang die beet met 1 kg spinasiebeet (Swiss chard). Jy kan selfs ’n paar suringblare bysit wanneer dit in seisoen is.
● Borsjt is veral lekker saam met geroosterde rogbrood of enige ander brood van donker meel met ’n sterk melassegeur.
TANNIE WINNIE SE HOENDERLEWER-PATEE
GENOEG VIR 6-8 MENSE
BEREIDING: 20 MIN.
GAARMAAK: 1 UUR
LAAT STAAN: 4 UUR OF OORNAG
◗ 250 g hoenderlewer, skoongemaak◗ 1 ui, gekap◗ 250 g botter, plus ’n bietjie ekstra, gesmelt◗ 1 lourierblaar◗ 3 heel naeltjies◗ sout, peper en Aromat na smaak◗ 25 ml (5 t) brandewyn van goeie gehalte◗ 25 ml (5 t) gekapte vars pietersielie
You’re reading a preview, subscribe to read more.
Start your free 30 days