Tradisionele BUNNY CHOW met warm KERRIEBREDIE
GENOEG VIR 6 MENSE / BEREIDING: 15 MIN. / GAARMAAK: 2 UUR 30 MIN.
KERRIE
◗ 500 g blokkies beesvleis
◗ 250 g blokkies skaapvleis
◗ sout en vars gemaalde peper
◗ 30 ml (2 e) olie
◗ 1 ui, gekap
◗ 4 knoffelhuisies, fyngekap
◗ 5 cm-stuk vars gemmer, geskil en gerasper
◗ 2-3 brandrissies, fyngekap
◗ 1 steranys
◗ 1 stokkie kaneel
◗ 2 naeltjies
◗ 2 lourierblare
◗ 15 ml (1 e) geroosterde masala
◗ 5-10 ml (1-2 t) brandrissiepoeier
◗ 15 ml (1 e) tamatiepasta
◗ 250 ml (1 k) beesvleisaftreksel
◗ 1 x 410 g-blik gekapte tamaties
AFRONDING
◗ 2 groot ongesnyde brode, of brood van jou keuse
◗ 2 brandrissies, gekap
◗ ’n hand vol vars koljanderblare, gekap
◗ 1 stingelui, gekap (opsioneel)
1 Kerrie Geur al die blokkies vleis met die sout en vars gemaalde peper. Verhit die olie in ’n kastrol en braai die vleis in sarsies tot goudbruin. Skep uit en hou eenkant.
2 Braai die ui in die kastrol tot sag. Voeg die knoffel, gemmer en rissies by en roerbraai tot geurig.
3 Voeg die steranys, kaneelstokkie, naeltjies en lourierblare by en roerbraai nog 1 min.
4 Voeg die res van die speserye by en roerbraai nog 1 min. Skep die vleis terug in die kastrol en voeg die tamatiepasta by. Roer deur.
Giet die aftreksel en gekapte tamaties by en
