THE BROTHERS SUN
Netflix weet net hoe om die jaar reg te begin. Hulle het vroeg vandeesmaand vir ons ’n uitstekende reeks gegee om ons tande in weg te sink. Die Oscar-bekroonde aktrise Michelle Yeoh is in dié misdaaddrama te sien. Dit draai om ’n Taiwannees-Amerikaanse familie wat nie van hul verlede kan ontsnap nie en in ’n trans-Stille Oseaan-bendeoorlog verstrengel raak.
Michelle is Eileen, die vrou van ’n Taiwannese triade-leier (Johnny Kou), wat Los Angeles toe vlug nadat sy die bendelede in Taipei verkeerd opgevryf het. Wanneer daar jare later ’n aanslag op haar man se lewe is, vind sy uit