DIT begin met swart-enwit beeldmateriaal van ’n vrou wat met stokstywe bene, byna soos ’n bliksoldaatjie, in ’n herehuis se voorportaal stap. Sy word gevolg deur ’n dier wat na ’n kruising tussen ’n gans en ’n hond lyk.
Van daar af raak dit net vreemder – ’n Frankenstein-tipe wetenskaplike doen elektriese eksperimente op dieselfde vrou, en daar is kastele wat soos iets uit Disney lyk.
En dis maar net die voorprent.
As die hoofrolle nie deur groot name soos Emma Stone, Willem Dafoe en Mark Ruffalo vertolk is nie, sou jy kon dink hierdie fliek is ’n totale verspottigheid.
En tog is die hele wêreld aan die praat oor die eksentrieke rolprent . Dit is vir sewe Golden Globes benoem, waarvan dit twee gewen het – vir beste musiekspel/komedie en vir Emma Stone
