VIER VAN DIE BESTES
THE OLD GUARD
ONSTERFLIKE SLUIPMOORDENAARS
Nie alle superhelde wil in die kollig wees nie. Daar is baie wat al eeue lank bestaan en stil-stil die mensdom red. Die nuwe Netflix-aksiefliek The Old Guard vertel juis dié soort verhaal. Dis gegrond op die reeks grafiese romans deur Greg Rucka en Leandro Fernandez en gaan oor ’n tawwe groep sluipmoordenaars met ’n dig bewaarde geheim – hulle is almal on-sterflik en kan genees word van enigiets van koeëlwonde tot meswonde. Hulle bestaan boonop al eeue lank. En hulle word sommer baie betaal om gevaarlike sendings te onderneem.
