DIE meeste van ons gee meer aandag aan die gesondheid van ons tande as aan die gesondheid van ons brein. Baie van ons beskou ons breinfunksie as vanselfsprekend.
Maar eintlik is jou brein die belangrikste deel van jou lyf, die deel wat bepaal wie jy is, sê prof. Gill Livingston van University College London se psigiatrie-departement. “Om vir jou brein te sorg gaan nie net daaroor om jouself te help om dinge beter te onthou nie. Dit gaan ook oor jou gevoelens, reaksie en gewoonweg hoeveel jy die lewe kan geniet.”
Namate ’n mens verouder, verander jou brein. Oor die jare raak jy vergeetagtig en dit raak ál moeiliker om nuwe vaardighede aan te leer.
Maar kognitiewe agteruitgang is nie ’n onvermydelike deel van die verouderingsproses nie, sê prof. Hana Burianová, ’n breinwetenskaplike. “Die brein kan verander, so die struktuur en funksies van