OP PAPIER is dit ’n afskuwelike misdaad. Sy het haar kêrel oortuig om haar ma te vermoor, en hy het dit gedoen: Terwyl sy slapend in haar bed gelê het, het hy haar met ’n mes doodgesteek.
Maar Gypsy Rose Blanchard van Missouri, Amerika, het net 10 jaar tronkstraf gekry vir haar aandeel in die moord, terwyl haar kêrel ’n lewenslange vonnis sonder parool opgelê is.
Boonop het die 32-jarige Gypsy Rose reeds meer as 6,2 miljoen aanhangers op Instagram – dít skaars ’n paar weke nadat sy parool gekry het.
“Eerste selfie van vryheid,” het sy kort ná haar vrylating in Desember verlede jaar geskryf. Die opmerking by ’n foto van haarself het binne dae meer as 6 miljoen mense gehad wat op die hartjie daaronder gekliek
