‘DIE HELE WÊRELD KYK NA HIERDIE MENSE EN LAAT VOEL HULLE MEER BELANGRIK AS WAT HULLE EINTLIK IS’
HY IS ’n psigiater wat oor die afgelope drie dekades ’n baie spesiale nis vir homself uitgekerf het. “Kopdokter vir die sterre,” sê Phil Stutz speels trots terwyl hy met sy vingers aanhalingstekens in die lug maak.
Phil (76) woon naby Beverly Hills en ontvang kliënte in sy woonstel met ’n uitsig op die helderblou tennisbane en blinkende, besproeide skoonvelde van ’n uitgestrekte buiteklub. Die vier mure van sy studeerkamer propvol boeke weet van die vrese, mislukkings en neuroses van ’n verskeidenheid akteurs, regisseurs, vervaardigers, skrywers, agente, makelaars en ateljeehoofde.
Sy kliëntelys is ’n goed bewaarde geheim. Maar dit sluit in die aktrise en gesondheidsghoeroe Gwyneth Paltrow, wat al in haar Goop-podsending met Phil ’n onderhoud gevoer het, asook die akteur Jonah Hill. Jonah het die regie behartig van Stutz, ’n Netflix-dokumentêr oor sy terapeut. Die akteurs Joaquin Phoenix en Rooney Mara is die vervaardigers daarvan.
Soveel van sy kliënte het Oscars gewen dat hy ’n paar jaar gelede met iets vorendag gekom het wat hy die “Stutz-96-uur-Academy Awards-beginsel” noem.
Daarvolgens sal Oscarwenners se euforie binne sowat vier dae vervaag, waarna al jou gewone kwellings en angs sal terugkeer en jy terug sal wees waar jy begin het.
“Die groot droom van die Westerse wêreld is om te weet wat in die kop van ’n ster aangaan,” sê hy in ’n stadium.
En as jy wil