‘’N VROU WEET VINNIGER AS ’N MAN DIS DIE EEN. EK HET GEWEET EK GAAN JOE SE BABAS HÊ’
DIE twee glinster behoorlik in die son. Haar hare is lank, witblond en golwend. Sy bruin krulle het ligbruin strepies wat soos blitse skitter.
Met sy welige baard wat nie die lagplooitjies om sy oë verdoesel nie, lyk dit byna asof die voormalige Springbokrugbyspeler Joe van Niekerk (43) en sy lewensmaat, Cato Vermeulen (26), op die stel van ’n televisiereeks hoort. Een met Vikings.
Maar wanneer hulle uit ’n swart Range Rover klim by hul huurhuis in Steenberg, Kaapstad, laggend en vrolik in hul spierwit vloeiende klere, is die elektrisiteit tussen hulle so modern soos kan kom.
Joe toring op 1,93 m ver bo Cato uit. Sy gesig straal toe hy na haar