HIERT, wat maak Darth Vader in die bad? En daai Stormtrooper by die drein?
Dis net speel-speel, soos generasies kinders maak.
En dis wanneer Robert Whitehead na sy Lego-mannetjies kyk dat dinge op nuwe maniere kliek, want dis ook deur sy kameralens dat speelgoed lewe kry.
Hy is 43 jaar oud, maar ’n mens is mos nooit te oud vir verbeeldingsreise nie. En Robert is nie net ’n regisseur, redigeerder en multimediaspesialis nie; hy’s ook ’n beroepspeelgoedfotograaf.
Die helde in sy tonele? Die klompie van Star Wars, natuurlik, maar ook ander Lego-mannetjies, superhelde, aksiefigure en die karakters uit speletjies soos Roblox en Minecraft. Daar’s ook karretjies, diere, dinosourusse en ruimtewesens.
Hy gebruik spesiale beligting en ander truuks, en enige plek – van sy ateljee tot die agterplaas of strand – kan die stel vir een van sy