MOET geen landelike veiligheidsaksie sonder die samewerking van die polisie aanpak nie, sê Lafras Tremper van die Hoedspruit-plaaswag en lid van die Mopanie Landelikeveiligheidskomitee.
Die plaaswagte van Hoedspruit, Acornhoek en The Oaks het die afgelope jaar noemenswaardige inhegtenisnemings moontlik gemaak deur nou met die polisie saam te werk. Die meesterbrein van ’n renosterstroopsindikaat en ’n transito-roofbende is onder andere aangekeer.
Terwyl ’n goeie verhouding met die polisie noodsaaklik is, sê Tremper dit is ook belangrik vir elke landbougemeenskap om bande te smee met die ondersoekbeamptes in hul distrik. “Dit is die speurders wat sake moet ondersoek en bewysstukke moet insamel wat voor die hof kan dien. Boere moet weet hoe om hulle by te staan en hoe om misdaadtonele te bewaar tot hulle opdaag.”
Volgens hom is
