Plaasveiligheid
Agt plaasmoorde in agt dae. Slagoffers “gemartel en verbrand”. Plaasmoorde nou ’n noodtoestand. Só lui hoofopskrifte in die media ná een van die bloedigste weke vir Suid-Afrikaanse boere. Die aanvalle vroeg in Junie het in vyf provinsies plaasgevind en in twee gevalle is twee mense vermoor – Pierre en Belinda de Kock op hul plaas Holvlei buite Aurora, naby Piketberg in die Wes-Kaap, en Anneke Claassen en Hennie Claassen op die plaas Klipfonteinhoek naby Ohrigstad, Limpopo.
Dit dui daarop dat plaasmoorde landwyd fel is, en nie ingeperk is deur provinsiale grense nie.
Die jongste vlaag plaasmoorde het veiligheidskenners, politici en landbou organisasies weer na die tafel gebring om oplossings te vind, maar intussen moet boere aangaan met hul lewe en werk ondanks die daaglikse bedreiging wat soos ’n swaard oor hul kop hang.
Die aandag wat die boer gee aan die beveiling van sy eie werf om homself en sy ge sin te beskerm, is nou belangriker as ooit.
Landbouweekblad het met mense gesels wat kennis het oor plaas- en persoonlike veiligheid, misdaad en eerstehandse ervaring om boere leiding te gee oor hoe om hulself te bemagtig en te beveilig.
DIE AKTIVIS
Ian Cameron (LINKS), direkteur van gemeenskapsveiligheid van die drukgroep Action society, sê die feit dat daar soveel plaasmoorde in só ’n kort tydperk was en die wreedheid wat daarmee gepaard gegaan het, is kommerwekkend. Volgens hom is dit egter moeilik om die jongste vlaag toe te skryf aan ’n neiging in dié soort misdaad.
“Wat uitstaan, is dat die plaasmoorde nie net in een gebied was nie. Ons kan nie sê een provinsie is veiliger as ’n ander nie. Ek dink die Noord-Kaap is ’n uitskieter wat veiligheid betref, maar dit is danksy die minder aantal mense in ’n baie groot provinsie. Gauteng staan uit (met meer voorvalle) en die rede is weer dat daar ’n groot konsentrasie mense is, asook baie kleinhoewes en die groot aantal informele nedersettings.”
Voorvalle op kleinhoewes val in die meeste gevalle in dieselfde kategorie as plaasmoorde.
“In die Wes-Kaap stel die
