t – teelepel/s e – eetlepel/s k – koppie/s
NEKTARIENSLAAI
GENOEG VIR 6 MENSE / BEREIDING: 20 MIN. / GAARMAAK: 5 MIN.
Dis ’n heerlike slaai, perfek vir ’n aandete buite.
SLAAI
◗ 4 middelslagnektariens, gehalveer, die pit verwyder en in kwarte gesny
◗ kookolie-sproei
◗ 390 g mozzarellakaas, in skywe gesny
◗ 100 g dun gesnyde prosciutto
◗ 60 g roketblare
SLAAISOUS
◗ 15 ml (1 e) granaatmelasse
◗ 30 ml (2 e) olyfolie
◗ sout en vars gemaalde swartpeper, na smaak
AFRONDING
◗ 60 ml (¼ k) grofgekapte pistasieneute
◗ 30 ml (2 e) granaatpitte
1 Slaai Verhit ’n riffelpan oor matige hitte. Bespuit die nektariens liggies met die kookolie en braai die vrugte tot liggies geskroei aan albei kante.
2 Rangskik die nektariens, mozzarella, prosciutto en roketblare op ’n groot slaaibord.
3 Slaaisous Plaas die melasse en olyfolie in ’n bottel met ’n skroefdeksel, skud goed en geur met die sout en peper.
4 Afronding Bedruip met die slaaisous, en sprinkel die pistasieneute en granaatpitte oor.
WENK
Jy kan ook geelperskes of spanspek pleks van nektariens gebruik.
TAMATIE-en-DENNEPITSLAAI
GENOEG VIR 8 MENSE / BEREIDING EN GAARMAAK: 30 MIN.
Gebruik ’n verskeidenheid tamaties wat ryp is vir ’n mooi helder somerslaai.
TAMATIES
◗ 1 kg gemengde tamaties
BASILIE-EN-DENNE-PITSLAAISOUS
◗ 125 ml (½ k) stewig gepakte vars basilieblare◗ 60 ml (¼ k) dennepitte, gerooster◗ 1 knoffelhuisie, in kwarte gesny◗ 80 ml (⅓ k) olyfolie◗ 7,5 ml (1½ t) rooiwynasyn
