DIS anders as die gewone vashou van ’n ma aan haar baba.
Sy wil haar nuweling nie neerlê nie, nie eens vir ’n oomblik nie. Dis amper asof sy bang is as sy die baba uit haar arms laat gaan, kan sy haar vir ewig verloor.
Beatrice Willemse van Worcester kén verlies. Die dag van klein Giannique se geboorte verlede maand, ’n dag wat een van die mooistes van haar lewe moes wees, was vol onbeskryflike smart.
“En dit raak net moeiliker,” vertel sy, die baba toegewoel in haar arms. “Ek wil haar heeltyd by my hê en haar vashou.”
Want net twee dae voor die ooievaar dié baba gebring het, het die doodsengel in Beatrice se
