OUKERSAAND
Sit op Oukersaand aan vir ’n ete waarvoor jy alles vooraf maak en teen kamertemperatuur of yskoud voorsit – perfek vir ons warm Kersseisoen.
Plaasterrien
Terrien is so ’n onderskatte vleisgereg. Dit kan lank voor die tyd gemaak word en is heerlik geurig.
■ 3 pakke (250 g elk) repiespek
Vulsel
■ 2 uie, baie fyn gekap
■ 45 ml olyfolie
■ 3 knoffelhuisies, baie fyn gekap
■ 1 kg varkworsies van goeie gehalte
■ 5 ml varsgemaalde swartpeper
■ 5 ml fyngekapte salieblaartjies
■ 45 ml fyngekapte vars pietersielie
■ 100 g geroosterde pimperneute, grofgekap
■ 500 g hoenderlewers, goed skoongemaak en kleiner gesny
Voorverhit die oond tot 160 °C en smeer ’n broodpan van 30 cm x 10 cm met olie. Voer die pan (boom en kante) met repies spek uit sodat dit oor die kante van die pan hang. Hou enige orige spekvleis eenkant.
Braai die uie in die olyfolie tot sag. Voeg die knoffel by sodra die uie sag is. Terwyl die uie braai, snipper die orige spekvleis fyn en voeg dit by die gebraaide