Terwyl die res van die Avontuur Afrika-span oor Erfenisnaweek in die Oos-Vrystaat was vir die eerste Jimny Gathering, het ek ernstiger dinge gehad om te doen. Ek en my gesin sou die publikasie by die jaarlikse Toyota Rust de Winter 4x4 Jamboree verteenwoordig – nie as toeskouers nie, maar as deelnemers.
Ek is deur die hoofborg, Toyota Suid-Afrika, genooi en dis ‘n saak wat ek nie ligtelik opgeneem het nie. Ek sou nie aan die hoofbyeenkoms deelneem nie, maar wel teen ‘n paar van my kollegas in ‘n spesiale media-uitdaging meeding. Ek was egter vol vertroue, want dit was nie my eerste deelname aan hierdie legendariese byeekoms nie. Om die waarheid te sê, die laaste keer toe ek Rust de Winter bygewoon het, in 2014, het ek die media-uitdaging te wen. Ek het ook my enkel gebreek, maar laat ons nie op die negatiewe fokus nie…
Dit was nog weke voor die langnaweek, maar ek en my seun het in alle erns aan ons begin werk… hy was net so opgewonde soos ek! Daar was
