‘DIE NUUS WAS ROF, EN OM NIE MEER TE KON SING NIE WAS ROF, MAAR EK IS DANKBAAR DIE STEMBAND SITUASIE HET HIER IN BALLITO GEBEUR’
TOE hy uit Ballito se warm seewater nader stap, is dit duidelik waarom mense na hul asem snak. Die golwe het sy wit hemp deurdrenk en dit klou aan elkeen van sy gebeitelde bolyfspiere. Maar Bobby van Jaarsveld lag net oor dié foto’s in die branders.
Hy’t op Huisgenoot se versoek ingestem om so in die seesproei te pronk om die koms van die somer te vier.
Ag, wat, hoekom nie? Hy skrik mos nie vir ’n stukkie onskuldige pret nie.
Die dae is weer mooi en die son sit hoog – laat die kwik dan ook styg, het Huisgenoot vir dié fotosessie gevra.
Bobby se blou oë blink geamuseerd terwyl hy vir die kamera poseer, en hy’s vandag ’n bok vir sports.
Maar hy’t ook sy eie goeie nuus om te deel – iets heel anders om te