ENTREPRENEUR
Toe die lewe sy suurlemoene aan Jill van As uitdeel, het dié Kaapse sjef besluit om iets stunning daarmee in die kombuis op te tower!
Om mense te voed, is vir haar ’n liefdestaal en ’n leefstyl. “En deur die slegte en goeie tye moet ’n mens tog eet!” glo dié skrywer en sakevrou van Kuilsrivier.
Dis dié passie vir die lewe en goeie kos wat Jill (43) na haar eie kookboek gelei het waarin al die resepte wat haar so na aan die hart lê, vir ewig kan voortleef. Dié spesiale kookboek, , is uit die hart geskryf en elke resep begin met die persoonlike herinnering wat dit vir Jill inhou. Sy deel haar stories met self-refleksie en eerlikheid, en haar liefde vir familie, goeie vriende en