BRITSE akteurs kry selde vastrapplek in die Hollywood-hoofstroom. Maar af en toe kry iemand dit reg – en Russell Brand, met sy donker krulle, oogomlyner en Essex-aksent, het in ’n stadium stewig vasgeskop.
Hy het gespeel in flieks soos Forgetting Sarah Marshall en Get Him to the Greek, en stemrolle vertolk in die Despicable Me-flieks en Trolls. Hy het miljoene verdien uit komedievertonings en is later met die popster Katy Perry getroud.
Tog doen ontstellende gerugte al lankal die rondtes – stories wat seksuele teistering en mishandeling insluit. Eintlik het Katy ’n dekade gelede al, toe haar huwelik met hom binne maande op die rotse was, iets gesê wat die gevaarligte moes laat flikker